कैलालीमा जिप दुर्घटना हुँदा एक जनाको मृत्यु
फागुन, २५ काठमाडौं । कैलालीमा जिप दुर्घटना हुँदा एक जनाको मृत्यु भएको छ । अन्य तीन जना घाइते भएका छन् । जिप चालक डोटीको सायल गाउँपालिका– ४ भाङयारे बस्ने २२ वर्षीय शंकर बोगटीको मृत्यु भएको छ । दुर्घटनामा गम्भीर घाइते भएका बोगटीको सेती प्रादेशिक अस्पताल धनगढीमा मृत्यु भएको प्रदेश प्रहरी कार्यालय धनगढीले बताए ।
प्रदेश प्रहरी कार्यालय सुदूरपश्चिमले दिएको जानकारीअनुसार चुरे गाउँपालिका–५ निङलाडीस्थित भीमदत्त राजमार्गमा शनिबार राति डोटीको दीपायलबाट धनगढीतर्फ आउँदै गरेको सु.प.प्र.०१–००१ ज १५२२ नम्बरको जिप आफैँ अनियन्त्रित भएर दुर्घटना भएको थियो । यस्तै जिपमा सवार अन्य तीन जना घाइते भएका छन् ।
