तुलसीपुरमा ट्याक्टरको ठक्करबाट बालिकाको मृत्यु

चैत्र, ३ काठमाडौं । तुलसीपुरको अटो भिलेज नजिकै ट्याक्टरको ठक्करबाट एक बालिकाको मृत्यु भएको छ । सल्यानको छत्रेश्वरी गाँउपालिका – २ घर भइ हाल तुलसीपुर उपमहागनरपालिका – ९ गौरी शंकर टोलमा बस्दै आएकी ९ वर्षीया दिपशिखा वलीको टयाक्टरको ठक्करबाट घटनास्थलमै मृत्यु भएको छ।
दुर्गाप्रशाद वलीको छोरी दिपशिखा तुलसीपुरमा कोठामा बस्दै आएकी थिइन । इलाका प्रहरी कार्यालय तुलसीपुरका प्रहरी प्रवक्ता प्रहरी निरीक्षक सूर्य राना मगरका अनुसार गौरीशंकर टोलदेखि अटोभिलेज तर्फ जाँदै गरेको रा १ त ३२३९ नम्बरको ट्याक्टरले बाटो पार गर्दै गरेकी दिपशिखालाई हिजो दिउँसो ठक्कर दिएको थियो।