कलङ्कीमा दुई समूहबीच झडप हुँदा एक जनाको मृत्यु
चैत्र, १२ काठमाण्डौ । काठमाण्डौको कलङ्कीमा २ समूहबीच झडप हुँदा १ जनाको मृत्यु भएको छ । गएराति काठमाडौं महानगरपालिका वडा नम्बर १४ कलङ्कीमा रहेको एलआरआई स्कूल नजिकै २ समूहबीच झडप हुँदा ढुङ्गेअड्डा बस्ने २२ वर्षीय अभय गोलेको उपचारको क्रममा मृत्यु भएको छ ।
प्रहरीका अनुसार २ समूहबीच होलीमा भएको विवादलाई लिएर आइतबार झडप भएको थियो । घटनामा अरू तीन जना घाइते भएका छन् । कुटपिट गर्ने एकजना पक्राउ परेका र अरू दुई जना फरार रहेका प्रहरीले बताएको छ ।
