त्रिशूलीमा ट्रक खस्दा चालकको मृत्यु

चैत्र, १२ काठमाण्डौ । मुग्लिन–नारायणगढ सडकखण्डको जुगेडी प्रहरी चौकी नजिक त्रिशूली नदीमा ट्रक खस्दा चालकको मृत्युभएको छ । आज बिहान साढे ६ बजे बागमती प्रदेश ०३–००१ ख ४८७४ नम्बरको ट्रक अनियन्त्रित भएर त्रिशूलीमा खसेको हो ।
दुर्घटनामा ट्रक ३०/३५ वर्षीय रामनारायण यादवको मृत्युभएको जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक (डीएसपी) रविन्द्र खनालले बताउनुभयो ।
दुर्घटनामा सहचालक रौतहटको गरुडा नगरपालिका वडा नम्बर ५ बस्ने असुन्द्रकुमार यादव घाइते हुनुभएको छ । उहाँको नयाँ मेडिकल कलेज भरतपुरमा उपचार भइरहेको डीएसपी खनालले बताउनुभयो ।