त्रिचन्द्र क्याम्पसमा आज पनि स्ववियुको चुनाव स्थगित
चैत्र, १३ काठमाडौं । त्रिचन्द्र बहुमुखी क्याम्पसमा आज पनि स्वतन्त्र विद्यार्थी युनियन (स्ववियु) को चुनाव स्थगित भएको छ । निर्वाचन समितिले मतदानका लागि सहज वातावरण नभएको भन्दै चुनाव स्थगित भएको हो
अब त्रिवि केन्द्रीय कार्यालय तथा अन्य सम्बद्ध पक्षसँगको परामर्शपछि मतदानको मिति र समय तोकिने निर्वाचन अधिकृत डा. अंगदमणि गौतमले बताए । यसअघि चैत ५ मा हुनुपर्ने चुनाव विवादका कारण स्थगित भएको थियो । मतपत्रमा नाम गोलाप्रथाबाट राख्ने कि दर्ताका आधारमा राख्ने भन्ने विवादका कारण विवाद भएको थियो । जसका कारण क्याम्पसको मूल गेटमै ताला लागेपछि चुनाव स्थगित भएको छ ।
