सुनको मूल्य हालसम्मकै उच्च
चैत्र, सुनको मूल्य हालसम्मकै उच्च विन्दुमा पुगेको छ । हिजो प्रतितोला १ लाख ७४ हजार ८०० मा कारोबार भएको सुन आज १ हजार ४०० रुपैयाँले बढेर तोलामा १ लाख ७६ हजार २०० रुपैयाँ कायम भएको नेपाल सुनचाँदी व्यवसायी महासंघले बताएको छ ।
अन्तर्राष्ट्रिय बजारमा सुन प्रतिऔँस ३ हजार ७३ अमेरिकी डलर हाराहारीमा कारोबार भइरहेको छ । त्यस्तै, आज चाँदीको मूल्य प्रतितोला २० रुपैयाँ बढेर २ हजार ४० रुपैयाँ कायम भएको छ ।
