Yeti Khabar

२०८१ चैत्र २२, शुक्रबार - Fri Apr, 2025 -

अमेरिका र क्यानडाबीचको पुरानो सम्बन्ध सकिएको प्रधानमन्त्री कार्नीको घोषणा

क्यानडाका प्रधानमन्त्री मार्क कार्नीले अमेरिकासँगको पुरानो सम्बन्ध सकिएको घोषणा गर्नुभएको छ । उहाँले नियमित मन्त्रिपरिषद् बैठकपछि पत्रकारहरुलाई प्रतिक्रिया दिँदै अर्थतन्त्रको गहिरो एकीकरण, कडा सुरक्षा र सैन्य सहकार्यमा आधारित अमेरिका र क्यानडाको पुरानो सम्बन्ध सकिएको बताउनुभएको हो ।

अमेरिकी राष्ट्रपति डोनाल्ड ट्रम्पको करको सामना गरिरहेका आफ्ना नागरिकले आधारभूत रूपमा क्यानडाको समग्र अर्थतन्त्रको पुनर्कल्पना गर्नुपर्ने प्रधानमन्त्री कार्नीको भनाइ रहेको बीबीसीले जनाएको छ । उहाँले प्रतिशोधात्मक रुपमा अमेरिकामा अधिकतम प्रभाव पर्ने गरि करको बदला र लगाउने तयारी गरिरहेको बताउनुभयो ।

ट्रम्पले हिजाे मात्रै पनि अमेरिकामा आउने सबै कार र  कारका पार्टपुर्जाहरुमा २५% कर लगाउने घोषणा गर्नुभएको थियो । यो घोषणासँगै लिबरल पार्टीका नेता प्रधानमन्त्री कार्नीले १९६५ मा क्यानडा र अमेरिकाबीचको सबैभन्दा महत्त्वपूर्ण अटोमोटिभ उत्पादन सम्झौता अब समाप्त भएको बताउनुभएको छ । क्यानडाले अब क्यानेडियनहरूले नियन्त्रण गर्न सक्ने अर्थतन्त्र निर्माण गर्न आवश्यक रहेको उहाँको भनाइ छ । एजेन्सी

Company Information

यती मिडिया प्रा.लि.(Yati Media Pvt. Ltd.)
अध्यक्ष: मोतिसरा खड्का
सम्पादक: डम्बर विक्रम कार्की
सह सम्पादक: खड्ग बहादुर रम्तेल
कानुनी सल्लाहकार: राम नारायण विडारी (वरिष्ठ अधिवक्ता)
सुचना तथा प्रसारण विभाग दर्ता नं
3193-2078/2079
कम्पनी दर्ता नं: 283675/078/079
प्यान नं: 610213157

Contact Information

Yati Media Pvt. Ltd.
Putali Galli, Kalanki, Kathmandu

01 5315254, 9851100556
info@yetikhabar.com
www.yetikhabar.com