गणतन्त्र पक्षधर आन्दोलनमा प्रचण्डसहित ४ नेताले सम्बोधन गर्ने
चैत्र, १५ काठमाडौँ । समाजवादी मोर्चाले काठमाडौँको भृकुटी मण्डपमा आयोजना गरेको विरोधसभालाई ४ दलका चार जना शीर्ष नेताले सम्बोधन गर्ने भएका छन् ।नेकपा माओवादी केन्द्र, नेकपा एकीकृत समाजवादी, नेकपा र नेसपाका प्रमुख नेताहरू क्रमशः पुष्पकमल दाहाल प्रचण्ड, माधवकुमार नेपाल, नेत्रविक्रम चन्द ‘विप्लव’ र महिन्द्र राय यादले ले भृकुटीमण्डपमा आयोजित सभालाई सम्बोधन गर्ने ती पार्टीका नेताहरूले बताएका छन् ।
चार दलका शीर्ष नेताहरुले मात्र सभालाई सम्बोधन गर्ने भएपछि नेकपा एकीकृत समाजवादीका सम्मानित नेता झलनाथ खनाल सभामा उपस्थित नहुने भएका छन् । ‘पुनर्उत्थानवादकाविरुद्ध भएको आन्दोलनमा मेरो पूर्ण समर्थन हुने नै भयो । सभामा जान सक्ने अवस्था भएन’, खनालले भने, ‘सभामा चार जना नेताले मात्र सम्बोधन गर्ने भएपछि गइरहन जरुरी देखिनँ ।’
