नागार्जुनमा गाडी दुर्घटना हुँदा एक जनाको गयो ज्यान
१७ चैत, काठमाडौं । काठमाडौंको नागार्जुनमा गाडी दुर्घटना हुँदा एक जनाको ज्यान गएको छ । २ जना घाइते भएका छन् । हिजो राति ८ बजे नागार्जुन नगरपालिका-८ ठुलो खोला नजिक टाटा योद्धा गाडी दुर्घटना भएको थियो ।
दुर्घटनामा गोरखा भीमसेन थापा गाउँपालिका-४ का ५० वर्षीय गोकुल पाण्डेको ज्यान गएको छ । उनको स्वयम्भूको मनमोहन अस्पतालमा उपचारका क्रममा मृत्यु भएको प्रहरीले बताएको छ । दुर्घटनामा गाडी चालक भीमसेन थापा -४ कै ४१ वर्षीय जमालुदिन मिया र ४३ वर्षीय रामजि भट्ट घाइते भएका छन् ।
