आज पनि बढ्यो सुनको मूल्य
चैत्र, १८ काठमाडौँ । आज सुनको मूल्य १ लाख ७८ हजार रुपैयाँ नजिक पुगेको छ । हिजोको तुलनामा १ हजार १०० रुपैयाँ बढ्दै सुनको मूल्य तोलामा १ लाख ७७ हजार ९०० रुपैयाँ कायम भएको छ ।
जुन मूल्य आजसम्मकै उच्च भएको नेपाल सुनचाँदी महासंघले बताएको छ । हिजो छापावाल सुनको मूल्य तोलामा १ लाख ७६ हजार ८०० रुपैयाँ कायम भएको थियो ।
चाँदीको मूल्य पनि सामान्य बढेको छ । हिजोको तुलनामा तोलामा २ हजार २५ रुपैयाँ कायम भएको चाँदीको मूल्य आज भने तोलामा २ हजार ३५ रुपैयाँ कायम भएको महासंघले बताएको छ ।
