तीनकुने घटनामा थप २४ जना पक्राउ
चैत्र, २० काठमाण्डौ । प्रहरीले काठमाण्डौको तीनकुने घटनामा संलग्न रहेको अभियोगमा थप २४ जनालाई पक्राउ गरेको छ । यही चैत १५ गते तीनकुनेमा आयोजित कार्यक्रममा हिंसात्मक प्रदर्शन, अराजक गतिविधि र तोडफोडको घटनामा संलग्न भएको आरोपमा थप २४ जनालाई पक्राउ गरिएको जिल्ला प्रहरी परिसर काठमाण्डौका प्रवक्ता एवम् प्रहरी उपरीक्षक अपीलराज बोहराले बताउनुभयो ।
उनीहरूलाई काठमाण्डौका विभिन्न ठाउँबाट पक्राउ गरिएको प्रहरीले बताएको छ । प्रहरीले यसअघि तीनकुने घटनामा ४१ जनालाई पक्राउ गरी म्याद थप गरेर अनुसन्धान अघि बढाएको छ ।
