बागमती प्रदेशसभा बैठक १ः०० बजे बस्दै
चैत्र, २० काठमाडौं । बागमती प्रदेशसभाको बैठक आज अपराह्न १ः०० बजे बस्दै छ । बजेट बाँडफाँटमा दलीय सहमति नहुँदा हिजो बोलाइएको बैठक सूचना टाँसेर स्थगन भएको थियो ।
सभामुख भुवनकुमार पाठकले प्रदेशसभा बैठक सञ्चालन गर्न आज पनि दलहरूबीच छलफल हुने र सहमतिका निम्ति अधिकतम प्रयास गरिने बताए । सरकार पक्ष र प्रतिपक्ष दलबिच छलफल भए पनि कुनै निष्कर्ष आउन नसकेकाले आज पुनः संयुक्त छलफल राखिएको सभामुख पाठकले जानकारि दिनुभयो ।
