काठमाडौं महानगरको कार्यपालिका बैठक सुरु
चैत्र, २१ काठमाडौं । काठमाडौं महानगरपालिकामा प्रमुख प्रशासकीय अधिकृतलाई कार्यकक्ष प्रवेशमा रोक लगाइएपछि उपमेयर सुनिता डंगोलले बैठक सुरू गरेकी छन्। महानगर प्रमुख बालेन शाह उपस्थित नभएपछि उपमेयर डंगोलले प्रमुख प्रशासकीय अधिकृतलाई राखेर बैठक सुरू गरेकी छन्। बैठकमा
महानगरकाका प्रमुख प्रशासकीय अधिकृत सरोज गुरागाईं र वडाध्यक्षहरू सहभागी छन्। मेयर बालेनले प्रमुख प्रशासकीय अधिकृतको कार्यकक्षमा ताला लगाइदिएका थिए। आज प्रमुख प्रशासकीय अधिकृत गुरागाईंलाई वडाध्यक्ष र कर्मचारीहरूले ठेलमठेल गरी कार्यालय प्रवेश गराएका थिए। कार्यकक्षमा लगाइएको ताला फोड्न खोज्दा महानगर प्रहरीले रोकेको थियो। ताला तोड्ने क्रममा ढोकाको सिसा पनि फुटेको थियो।
