माओवादी केन्द्रका नेता जनार्दन शर्माले गरे उपमहासचिव पद अस्वीकार
भदौ,२२ काठमाडौं । नेकपा माओवादी केन्द्रका नेता जनार्दन शर्माले उपमहासचिव पद अस्वीकार गरेका छन्।
आज अनेरास्ववियू क्रान्तिकारीको क्रान्तिकारी फोर्स घोषणा कार्यक्रममा शर्माले आफू संगठन विभाग प्रमुखको हैसियतमा उपस्थित भएको बताएका छन्।
जनार्दन शर्माले भने, ‘म संगठन विभाग प्रमुखको हैसियतले सम्बोधन गरेको तपाईंहरुलाई जानकारी गराउन चाहन्छु।’ प्रचण्डसँग गुनासो राख्दै उनले भने, ‘नीति र नेतृत्व सही ढंगले चल्नुपर्छ भन्ने मान्छे हुँ म। अध्यक्ष कमरेडयको कडा आलोचक मै हुँ र रक्षा गर्ने पनि मै हुँ। म उहाँको कडा आलोचना गर्छु तर रक्षा पनि मैले गर्छु।
