माओवादी केन्द्रका उपमहासचिव वर्षमान पुनलाई कोरोना संक्रमण पुष्टि
भदौ,२६ काठमाडौं । माओवादी केन्द्रका उपमहासचिव वर्षमान पुनलाई कोरोना संक्रमण भएको छ । पुनलाई आज कोरोना संक्रमण पुष्टि भएको हो । ज्वरो आउने र शरीर दुःख्ने लक्षण देखिएपछि सुरुमा एन्टिजेन र पछि पीसीआर परीक्षण गरिएको थियो ।
दुवै परीक्षणका क्रममा पुनमा संक्रमण पुष्टि देखिएको हो । पुन खुमलटारस्थित निवासमै आराम गरिरहेका छन् ।
संक्रमित भएपछि उनी सत्तारुढ गठबन्धनको सिट बाँडफाँट कार्यदलको बैठकमा समेत गएनन् । पुन चिकित्सकको सुझावअनुसार कम्तीमा पाँच दिन होम आइसोलेसनमै बस्नेछन् ।
