दाङमा डेंगीबाट एक जनाको मृत्यु
भदौ,२७ काठमाडौं । दाङमा डेंगीबाट एक महिलाको मृत्यु भएको छ।
घोराही उपमहानगरपालिका वडा नं. १४ निवासी ४० वर्षीया मायाकुमारी बिसीको उपचारका क्रममा आज राप्ती स्वास्थ्य विज्ञान प्रतिष्ठानमा मृत्यु भएको अस्पताल प्रशासनले बताएको छ ।
प्रतिष्ठानका सूचना अधिकारी निशानदाजु भट्टराईका अनुसार डेंगी संक्रमित बिसी आज बिहान करिब ८ बजेतिर उपचारका लागि प्रतिष्ठानमा आएकी थिइन्। उनी भर्ना भएको डेढ घन्टाभित्रै बिहान १० बजेतिर मृत्यु भएको भट्टराईले बताए।
त्यसअघि बिसीको ल्याब टेष्ट गर्दा डेंगी पोजेटिभ देखिएको थियो। उपचारको क्रममा एकाएक अक्सिजन लेबल घटेको र प्रेसर बढेपछि मृत्यु भएको अस्पताल प्रशासनले जानकारी दिएको छ।
