श्रीमान् ले गरे श्रीमतीको हत्या, छोरी घाइते
असोज,६काठमाडौं । कैलालीमा एक महिलाको हत्या भएको छ ।
गौरीगंगा नगरपालिका-५ मा अन्दाजी ३२ वर्षीया ललिता नामजाली मगरको हत्या भएको प्रहरीले जानकारी बताएको छ ।
इलाका प्रहरी कार्यालय मालाखेतीका प्रमुख प्रहरी नायब उपरीक्षक(डीएसपी) रविन्द्र पाण्डेले ललिताको आज बिहान हत्या गरेको अवस्थामा शव भेटिएको बताए ।
ललिताकी १७ वर्षीय छोरीसमेत घाइते छन् । उनीमाथि पनि धारिलो हतियार प्रहार भएको डीएसपी पाण्डेले बताए । घाँटीमा चोट लागेकी उनको सेती प्रादेशिक अस्पतालमा उपचार भइरहेको छ ।
प्रारम्भिक अनुसन्धानबाट ललिताको हत्या उनका श्रीमान् शेरबहादुर नामजाली मगरले गरेको खुलेको डीएसपी पाण्डेले बताए ।
रोजगारीका सिलसिलामा भारतमा रहेका शेरबहादुर हिजो मात्र घर फर्किएका थिए । घटनापछि उनी फरार भएका छन् ।
