हेटौंडाबाट चाँदीको गरगहनासहित एक जना पक्राउ
मकवानपुर प्रहरीले करिब २० किलो चाँदीको तयारी गरगहनासहित एक जनालाई पक्राउ गरेको छ । प्रहरीले विशेष सूचनाको आधारमा अवैध ढंगबाट हेटौंडा ल्याइँदै गरेको १९ किलो ८ सय ४५ ग्राम चाँदीबाट बनेको गरगहनासहित हेटौंडा–१४ बाट लालबाबु शाहलाई नियन्त्रणमा लिएको हो ।
वीरगन्जबाट हेटौंडा आउँदै गरेका शाहलाई हेटौंडा १४ स्थित ड्राइभर डाँडाबाट नियन्त्रणमा लिइएको प्रहरीले जनाएको छ । प्रदेश ०२-०३-०१८ प ८२४८ नम्बरको मोटरसाइकल रोकेर जाँच गर्दा उनको साथबाट अवैध गहना बरामद गरिएको प्रहरीको भनाइ छ ।-न्युज कारखाना
