दोलखामा नेकपा माओवादीका गंगा कार्की विजयी
मंसिर,१९ काठमाडौं । एक मात्र प्रतिनिधि सभा क्षेत्र रहेको दोलखामा नेकपा माओवादी केन्द्रका उम्मेदवार गंगा कार्की विजयी भएका छन्।
उनले नेकपा एमालेका उम्मेदवार बालकृष्ण शिवाकोटीलाई हराए।
माओवादीका कार्कीले ३६ हजार ७ सय ९९ मत ल्याएका छन्।
एमालेका शिवाकोटीले ३६ हजार ४ सय ८२ मत ल्याएका छन्। कार्कीले ३१७ मतान्तरले चुनाव जितेका छन्। यहाँ ८४ हजार ४ सय ४८ मत गणना गरिएको थियो।
यहाँ माओवादीका कार्की सत्ता गठबन्धनका साझा उम्मेदवार थिए। मुख्य निर्वाचन अधिकृत कार्यालयले औपचारिक घोषणा गर्न बाँकी छ।
