श्रीमतीको टाउको काटेर प्लास्टिकको झोलामा बोकेर भाग्दै गरेका श्रीमान पक्राउ
मंसिर,२१ काठमाडौं । सुर्खेतमा श्रीमतीको टाउको काटेर प्लास्टिकको झोलामा बोकेर भाग्दै गरेका श्रीमान पक्राउ परेका छन् । सुर्खेत पञ्चपुरी नगरपालिका– ३ स्थित तोक्मा घर भएका ३८ वर्षीय अमरबहादुर आलेमगर श्रीमतीको हत्या गरेर भाग्दै गरेको अवस्थामा पक्राउ परेका छन्।
हत्यापछि मगर श्रीमतीको टाउको प्लास्टिकको झोलामा पोको बनाएर भागेका थिए । ३० वर्षीया मीना आलेमगरलाई हँसिया प्रहार गरेर घाँटी काटेर हत्या गरेर भाग्दै गरेको अवस्थामा अमरलाई पक्राउ गरिएको जिल्ला प्रहरी कार्यालय सुर्खेतले बताएको छ ।
टाउको प्लास्टिकको थैलोमा बोकेर भागेको अवस्थामा पलाइटे स्वास्थ्यचौकीनजिकबाट प्रहरीले उनलाई पक्राउ गरेको हो ।
