बिहे भोज खाएपछि बिरामी परेकाहरूमा आउँको किटाणु भेटियो
मंसिर,२१ काठमाडौं । पाल्पाको चिर्तुङ्गधारामा बिहे भोज खाएपछि बिरामी परेकाहरूमा आउँको किटाणु भेटिएको छ । दूषित पानी, खाना वा सरसफाइ लगायतका कारण हुने आउँको समस्या बिरामीमा भेटिएको मिसन अस्पताल, लुम्बिनी प्रादेशिक अस्पताल र बगनासकाली गाउँपालिकाका स्वास्थ्यकर्मीले बताएको छ ।
बिहे भोज खाएको दिन रातिदेखि नै बिरामी भएकाहरूको आज पनि घरघरमै पुगेर उपचार गरिएको बगनाँसकाली गाउँपालिकाले बताएको छ । बिरामीमध्ये कतिपयमा सुधार आए पनि केहीमा पुनः समस्या देखिएको छ । मिसन अस्पतालमा उपचार गराएर फर्किएकाहरूको प्रयोगशाला रिपोर्टअनुसार सबैमा दिसामा एक प्रकारको किटाणु देखिएको गाउँपालिकाका अध्यक्ष सरस्वती चिदिलेबताउनु भयो ।
