लागुऔषध कारोबार गर्ने तीन जना महिला पक्राउ
मंसिर,२७ काठमाडौं । कपिलवस्तुमा लागुऔषध कारोबार गर्ने तीन जना महिला पक्राउ परेका छन् । जिल्लाको नेपाल भारत सीमा क्षेत्र कृष्णनगरबाट नेपाल प्रहरीले १६ किलो अफिमसहित तीनजना महिलालाई पक्राउ गरेको हो । इलाका प्रहरी कार्यालय कृष्णनगरका प्रहरी निरीक्षक शैलेन्द्र पाण्डेको नेतृत्वमा खटिएको प्रहरी टोलीले नेपालबाट भारततर्फ लैजाँदै गरेको अवस्थामा लागुऔषध अफिमसहित ती महिलालाई पक्राउ गरेको हो ।
पक्राउ पर्नेमा दाङ तुलसीपुर उपमहानगरपालिका वडा नं. १७ मानपुर बस्ने वर्ष ४३ की आशकुमारी बुढा, दाङ लमही नगरपालिका वडा नं.४ लमही बस्ने वर्ष ४८ की नर्मला बिक र रोल्पा घर भई हाल लमही नगरपालिका वडा नं. ४ लमही बस्ने बर्ष ३६ की भावना पुन मगर रहेको प्रहरी निरीक्षक पाण्डेले बताए ।
