माओवादी केन्द्रका उपमहासचिव वर्षमान पुन अस्पतालबाट डिस्चार्ज
माघ ६ काठमाडौ । नेकपा माओवादी केन्द्रका उपमहासचिव वर्षमान पुन अस्पतालबाट डिस्चार्ज भएका छन् । स्वास्थ्यमा सुधार भएपछि उनी शुक्रबार दिउँसो अस्पतालबाट डिस्चार्ज भएका सचिवालयले जनाएको छ ।
पुन वंशाणुगत जन्डिसबाट पीडित छन् । उनलाई चिकित्सकको निगरानीमा रहने गरी डिस्चार्ज गरिएको हो । पुनलाई गत शनिबार ललितपुरस्थित सुमेरु अस्पतालमा भर्ना गरिएको थियो ।
माघी मनाउन रोल्पा पुगेका नेता पुनको स्वास्थ्यमा समस्या देखिएपछि गत शनिबार हेलिकोप्टरमार्फत् काठमाडौं ल्याइएको थियो ।
