नयाँ दिल्ली । पछिल्ला दुई व्यापार सत्रमा भारतीय शेयर बजारमा लगानीकर्ताको १०.७३ लाख करोड भारतीय रुपैयाँ डुबेको छ । समाचार एजेन्सी पीटीआईका अनुसार दुई सत्रहरूमा बीएसई सेन्सेक्स १६४७.८५ अंकले घटेको हो ।

शुक्रबार (आज) मात्रै यो ८७४.१६ अंकले घटेको छ । सेयर बजार ५९३३० दशमलव ९० अंकमा बन्द भयो । बुधबार यो ७७३.६९ अंकले घटेको थियो ।

गणतन्त्र दिवसको अवसरमा बिहीबार भने सेयर बजार बन्द रह्यो । अदानी समूहको शेयरमा लगातार दोस्रो कारोबार सत्रमा पनि गिरावट आएको छ। यो गिरावट करिब २० प्रतिशत थियो ।

अदानी समूहको शेयर ठूलो मात्रामा बिक्री भएको थियो। अमेरिकी अनुसन्धान फर्म हिन्डनबर्गको प्रतिवेदनपछि अदानी समूहको शेयर बेच्ने क्रम सुरु भएको छ ।

जियोजित फाइनान्सियल सर्भिसका अनुसन्धान प्रमुख विनोद नायरले समाचार एजेन्सी पीटीआईलाई भने कि अडानी समूहको शेयरमा आएको गिरावटले बैंकिङ क्षेत्रको शेयरमा पनि असर परेको छ। –बीबीसी