महाबु गाउँपालिकाका अध्यक्ष लक्ष्मण गुरुङको निधन
माघ, २७ काठमाडौं । दैलेखको महाबु गाउँपालिकाका अध्यक्ष लक्ष्मण गुरुङको निधन भएको छ । अध्यक्ष गुरुङको उपचारको क्रममा जिल्ला अस्पताल दैलेखमा निधन भएको जिल्ला प्रहरी कार्यालय दैलेखले बताएको छ ।
मुटुमा दुखाइ बढेपछि उनलाई हिजो जिल्ला सदरमुकाममा रहेको मेडिकलमा ल्याइएको थियो । मेडिकलबाट उपचार हुन नसकेपछि सोही दिन राति नै फिर्ता गरिएको प्रहरीले बताएको छ ।
आज बिहान फेरि मुटु दुखेपछि गुरूङलाई सरकारी गाडीमै सदरमुकाम ल्याइएको थियो । उनलाई अस्पताल पुग्नै लाग्दा हृदयघात भएको थियो । दैलेखका प्रहरी प्रमुख प्रहरी नायब उपरीक्षक किशोर लम्सालका अनुसार अस्पतालले उनलाई मृत घोषणा गरेको थियो ।
