फागुन ३ काठमाडौँ । अखिल नेत्री जलशा कुमारी वुढाले केन्द्रीय कमिटी सदस्यमा उम्मेदवारी दिएकी छिन । नेकपा (एमाले) निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेराीववियु) को २३ औ राष्ट्रिय महाधिवेशन फाल्गुण ३ गतेबाट काठमाडौंमा सुरु भएको हो ।

हिजो उद्घाटन भएको अखिलको महाधिबेशनमा आज नेतृत्व चयनका लागि १ सय ९९ पदका लागि उम्मेदवारी समय निर्धारण गरिएको हो । नेकपा (माओवादी केन्द्र)को विद्यार्थी संगठन अखिल क्रान्तिको केन्द्रीय सदस्य रहेकै बेला एमालेको एकतामा सामेल भएकी जलशाले एकता प्रक्रिया निर्वाचन क्षेत्रबाट केन्द्रीय सदस्यमा उम्मेदवारी दिएकी हुन ।

आज उम्मेदवारी दर्ता भएकाले भोली नेतृत्व चयनको लागि १ हजार ६ सय भन्दा बढी प्रतिनिधिहरुले मतदान गर्ने भएका छन । विद्यार्थी नेतृ जलशा वुढाको जित सुनिश्चित रहेको सम्मेलनमा उपस्थित अधिकांश प्रतिनिधिहरुले बताएका छन । उम्मेदवारी फिर्ता लिने समय समेत निर्धारण गरिएकोले उनी निर्विरोध निर्वाचित हुने संभावना पनि अधिक रहेको छ ।

उनी गत बैशाखमा एमालेमा सामेल भइ कालीकोट जिल्लाको पलाता गाउँपालिकाको उपाध्यक्षमा उम्मेदवार समेत बनेकी थिइन । करिब १७ सय मत ल्याएर झिनो मतले पराजय भोगेकी वुढा एक कर्णालीबकै आशा लाग्दो महिला नेतृत्वको रुपमा सबैले हेरेका छन ।