राष्ट्रिय स्वतन्त्र पार्टीको चुनाव चिह्न परिवर्तन
फागुन,१७ काठमाडौं । राष्ट्रिय स्वतन्त्र पार्टीको चुनाव चिह्न परिवर्तन भएको छ। यसअघि गोलाकारभित्र घण्टी चुनाव चिह्न रहेको सो पार्टीको चिह्न अब घण्टी मात्रै हुने भएको छ।
चुनाव चिह्न औपचारिक रुपमै संशोधन भएको सो पार्टीले विज्ञप्तिमार्फत् बताएको छ। पार्टीले निर्वाचन आयोगमा पेश गरेको चुनाव चिह्न संशोधन प्रस्तावलाई आयोगले फागुन १५ गते स्वीकृत गरेको विज्ञप्तिमा भनिएको छ।
‘अब पार्टीको चुनाव चिह्न घण्टी कायम भएको जानकारी सम्बन्धित सबै सरोकारवालाहरुलाई गराउँदछौँ,’ विज्ञप्तिमा भनिएको छ।
घण्टीको आकार वा शैलीमा भने कुनै परिवर्तन भएको छैन।
