थप ३२ जनामा कोरोना भाइरस पुष्टि
बैशाख,२९ काठमाण्डौ । पछिल्लो २४ घण्टामा ३२ जनामा कोरोना भाइरसको सङ्क्रमण पुष्टि भएको छ । पीसीआर र एन्टिजेन गरी छ सय ५६ जनाको नमुना परीक्षण गर्दा ३२ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले बताएको छ ।
यही अवधिमा १२ जना कोरोना सङ्क्रमित निको भएर घर फर्किएका छन् । नेपालमा कोरोना भाइरसका सक्रिय सङ्क्रमितको सङ्ख्या एक सय २९ जनामा झरेको छ । सक्रिय सङ्क्रमितमध्ये ११ जना आइसोलेशनमा, तीन जना आईसीयूमा र एक जना भेन्टिलेटरमा उपचाररत रहेका मन्त्रालयले बताएको छ ।
