प्रहरी वृत्त कालिमाटीको हिरासतबाट भागेका थुनुवा पक्राउ

जेठ,१२ काठमाडौँ । प्रहरी वृत्त कालिमाटीको हिरासतबाट भागेका थुनुवालाई प्रहरीले पक्राउ गरेको छ । हिजो मध्यराति प्रहरी वृत्त कालिमाटीको पर्खाल नाघेर २९ वर्षीय सञ्जीव राई भागेका थिए । हिरासतमा बिरामी भएका अर्का थुनुवालाई प्रहरीले निकाल्न खोज्दा उनी भागेका हुन् ।
उनलाई सिनामंगलबाट पक्राउ गरिएको जिल्ला प्रहरी परिसर काठमाडौँका सूचना अधिकारी (एसपी) सिताराम रिजालले जानकारी दिए । हिरासतबाट प्रहरीको आँखा छलेर निस्केपछि पर्खाल नाघेर बाहिर गएको अनुसन्धानबाट थाहा भएको छ । पर्खाल नाघेर भाग्दा उनको खुट्टामा चोट लागेको छ ।