टोपबहादुर रायमाझी र बालकृष्ण खाँणको बयान लिइँदै
जेठ,१२ काठमाडौं । नक्कली भुटानी शरणार्थी प्रकरणमा मुछिएर पक्राउ परेकाहरूको अदालतमा बयान लिने प्रक्रिया सुरु भएको छ ।नेपालीरूलाई नक्कली भुटानी शरणार्थी बनाएर अमेरिका पठाउन लागेको अभियोगमा पक्राउ परेकाहरूको अदालती बयानको प्रक्रिया आजबाट सुरु भएको छ ।
जिल्ला न्यायाधीश प्रेमप्रसाद न्यौपानेको इजलासमा बयान हुँदैछ । प्रतिवादी टोपबहादुर रायमाझी र बालकृष्ण खाँणलाई बयानको लागि इजलास लगिएको छ । इजलास कक्षबाहिर ठूलो संख्यामा प्रहरी परिचालन गरिएको छ । खुला इजलास भए पनि पत्रकारलाई प्रवेश दिइएको छैन ।
प्रकरणमा पूर्वउपप्रधानमन्त्री रायमाझी र पूर्वगृहमन्त्री खाँणसहित निलम्बित सचिव टेकनारायण पाण्डे, तत्कालीन गृहमन्त्री रामबहादुर थापा बादलका सुरक्षा सल्लाहकार इन्द्रजित राईलगायत १६ जना पक्राउ परेका छन् ।
