टिपर र गाडी ठोक्किँदा एक जनाको मृत्यु
जेठ,१६ काठमाडौं । काठमाडौंमा टिपर र गाडी ठोक्किँदा एक जनाको मृत्यु भएको छ। कागेश्वरी मनोहरा नगरपालिका-९ खहरे गोठाटारमा टिपर र निशान गाडी ठोक्किँदा एक जनाको मृत्यु भएको प्रहरीले बताएको छ ।
हिजो राति बा.५ ख ११६० नम्बरको गाडी र ना.८ ख ३५४४ नम्बरको टिपर ठोक्किएको थियो। उक्त दुर्घटना हुँदा गाडीका चालक रामेछाप मन्थली गाउँपालिका-७ घर भई काठमाडौंको तेजबिनायक बस्ने १९ वर्षीय डिलबहादुर माझीको मृत्यु भएको हो।
