जीप दुर्घटना हुँदा दाङमा एक जनाको मृत्यु, ८ जना घाइते
असार,१ काठमाडौं । राप्ती राजमार्ग अन्तर्गत दाङको शिरखोलामा आज बिहान जीप दुर्घटना हुँदा एक जनाको मृत्यु भएको छ । ८ जना घाइते भएका छन् ।
तुलसीपुरबाट रोल्पाका लागि छुटेको रा १ ज ५५६ नम्बरको जीप तुलसीपुर उपमहानगरपालिका वडा नं ३ शिरखोलामा दुर्घटना हुँदा चालक विष्णु पुनको मृत्यु भएको हो ।
घाइतेमध्ये चार जनालाई नेपालगञ्ज रेफर गरिएको छ ।
