घट्यो सुनको भाउ

साउन,५ काठमाडौं । आज शुक्रबार नेपाली बजारमा सुन–चाँदीको मूल्य घटेको छ। हिजो नयाँ रेकर्ड कायम गरेको सुनको मूल्य आज घटेको छ । हिजो प्रतितोलामा पाँच सय रुपैयाँ बढेर हाल सम्मकै उच्च बिन्दु कायम गरेको सुनको मूल्य आज आठ सय रुपैयाँ घटेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १२ हजार आठ सय रुपैयाँ र तेजाबी सुन प्रतितोला एक लाख १२ हजार दुई सय ५० रुपैयाँमा कारोबार भइरहेको महासंघले बताएको छ ।
हिजो छापावाल सुन प्रतितोला एक लाख १३ हजार छ सय रुपैयाँ र तेजाबी सुन प्रतितोला एक लाख १३ हजार ५० रुपैयाँमा कारोबार भएको थियो। त्यसैगरी, शुक्रबार चाँदीको मूल्य पनि घटेको छ।