ट्रक र मोटरसाइकल ठोकिँदा एकै परिवारका ५ जनाको मृत्यु
कार्तिक,१७ काठमाण्डौ । भारतमा गाडी दुर्घटनामा परेर एकै परिवारका पाँच जना नेपालीको मृत्युभएको छ । कर्नाटक राज्यअन्तर्गत गुलबर्गा जिल्लाको तलका भन्ने ठाउँमा ट्रक र मोटरसाइकल ठोकिएर भएको दुर्घटनामा परि सुर्खेतका एकै परिवारका पाँच जनाको मृत्युभएको छ ।
सुर्खेतको चौकुने गाउँपालिका–७ अमलाटाकुराका रतन नेवार, उहाँकी श्रीमती अस्मिता, पाँच वर्षीय छोरा मिलन, दुई वर्षका छोरा धड्कन र बुहारी (भाइकी श्रीमती) सुस्मिता नेवारको मृत्युभएको गाउँपालिकाका अध्यक्ष खड्क विकले बताउनुभयो । नेवार परिवार रोजगारीको सिलसिलामा भारत पुगेका थिए ।
