ठिमीमा मोटरसाइकल दुर्घटना हुँदा एक जनाको मृत्यु
माघ,१७ कामठाडौं । भक्तपुरको मध्यपुर ठिमीमा मोटरसाइकल दुर्घटना हुँदा एक जनाको मृत्यु भएको छ। हिजो राति पौने १० बजे मध्यपुर ठिमी नगरपालिका-४ चारदोबाटो आकाशे पुल नजिकै भक्तपुरबाट काठमाडौं जाने हाइवे लेनमा मोटरसाइकल दुर्घटनामा परेको जिल्ला प्रहरी परिसर भक्तपुरका डिएसपी बसन्त पाठकले बताए ।
बागमती ५ ख. २५१ नं. को निशान गाडीको टायर पञ्चर भएर बाटोमा रोकिराखेको थियो। सोही दिशाबाट आउँदै गरेको प्रदेश नं. ३ -०२-००९ प ७००७ नं. को मोटरसाइकल अनियन्त्रित भई उक्त गाडीको पछाडि ठोक्किएको हो।
दुर्घटना हुँदा सूर्यविनायक नगरपालिका-२ बालकोट बस्ने २४ वर्षीय समन भुजेल र २० वर्षीया सोफिया ठकुरी घाइते भएका थिए। भुजेलको उपचारका लागि मध्यपुर ठिमी अस्पताल लगिएको थियो। त्यहाँ उपचारको क्रममा उनको राति १० बजे मृत्यु भएको डिएसपी पाठकले बताए।
