कर्णाली प्रदेश सरकारमा जाँदै
बैशाख,१२ काठमाडौं । रणसिंह परियारको नेतृत्वमा नेकपा माओवादी केन्द्र कर्णाली प्रदेश सरकारमा सहभागी हुने भएको छ। माओवादी प्रदेश सभा दलका प्रमुख सचेतक रहेका परियारलाई आज नै मन्त्री बनाउने संसदीय दलले निर्णय गरेको छ। मन्त्रालय भने तोकिएको छैन।
आज बसेको माओवादी संसदीय दलको वैठकले मुख्यमन्त्री यामलाल कँडेललाई विश्वासको मत दिने निर्णय गरेको सांसद कृष्ण बहादुर जिसीले बताए ।
मुख्यमन्त्री कँडेलले भोली प्रदेश सभाबाट विश्वासको मत लिने भएका छन्। कर्णाली प्रदेशमा हिजो सत्तारुढ दलहरुबीच मन्त्रालय भागबण्डाको टुंगो लागेको छ।
