अफगानिस्तानको मध्य क्षेत्रमा बाढी, ५० जनाको मृत्यु
अफगानिस्तानमा बाढीका कारण कम्तिमा ५० जनाको मृत्यु भएको छ। बीबीसीका अनुसार अफगानिस्तानको मध्य क्षेत्र घारेमा शनिवार भएको वर्षा र आएको बाढीका कारण कम्तिमा २ सय घर नष्ट भएका छन्।
प्रहरी अधिकारीहरूका अनुसार वर्षाका कारण अधिकांश क्षेत्र डुबानमा परेको छ भने नदीहरूमा जलस्तर पनि बढेको छ। बाढीमा परी बेपत्ता भएकाहरूको सङ्ख्या यकिन हुन नसकेको प्रहरीले जनाएको छ।
गत साता अफगानिस्तानको उत्तरी क्षेत्रमा आएको बाढीमा पनि ३ सय जनाको मृत्यु भएको थियो। अफगानिस्तानको मौसम विभागले आगामी केहीदिन अझै पानी पर्ने सम्भावना रहेकाले सतर्कता अपनाउन आग्रह गरेको छ। एजेन्सी
