ललितपुरको भट्टेडाँडामा पहिरो खस्दा दुई जना घाइते
जेठ, १५ काठमाडौं । ललितपुरको भट्टेडाँडामा सुख्खा पहिरो खस्दा दुई जना घाइते भएका छन्। आज बिहान पौने १० बजे बागमती गाउँपालिका वडा नम्बर ३ भट्टेडाँडा खरिबासमा सुख्खा पहिरो खसेर दुई जना घाइते भएको जिल्ला प्रहरी परिसर ललितपुरका एसपी नरेशराज सुवेदीले बताए ।
उनका अनुसार सुख्खा पहिरो ट्याक्टर र मोटरसाइकलमाथि खसेको थियो। पहिरो खसेर लाग्दा प्रदेश २-०३-००४ प – ५६६१ नम्बरको मोटरसाइकल चालक घाइते छन्। उनको उपचारको लागि नख्खुस्थित मेडिसिटी अस्पतालमा लगिएको छ। स १ त ७३१८ नम्बरको ट्याक्टर चालक भने सामान्य घाइते छन्।
