जीप दुर्घटना हुँदा पाल्पामा नौ जना घाइते
असार,२ काठमाडौै । पाल्पामा जीप दुर्घटना हुँदा नौ जना घाइते भएका छ्न । आज बिहान साढे ४ बजेतिर निस्दी गाउँपालिका केन्द्रबाट राम्पुर फर्किंदै गरेको बा१५छ ५९४ नम्बरको स्कार्पियो निस्दी-४ झ्याल्टुङ्गमा दुर्घटना भएको प्रहरीले बताएको छ ।
दुर्घटनाका घाइतेलाई प्राथमिक उपचारपश्चात थप उपचारका लागि प्रभासस्थित लुम्बिनी मेडिकल कलेजमा ल्याइएको जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले बताए । घाइतेहरूको अवस्था सामान्य रहेको छ ।जीप सडकको बाँयातिरको भित्तामा ठोक्किएको प्रहरीले बताएको छ ।
