दाङमा नदी तर्ने क्रममा बगेर एक किशोरी बेपत्ता
असार, १९ काठमाडौं । तुलसीपुरमा नदी तर्ने क्रममा बगेर एक किशोरी बेपत्ता भएकी प्रहरीले बताएको छ । तुलसीपुर–१४ मटेराको बबई नदी तर्ने क्रममा बिहान स्थानीय १९ वर्षीया सम्झना चौधरीलाई बगाएको इलाका प्रहरी कार्यालय तुलसीपुरका प्रहरी निरीक्षक प्रकाश थापाले बताउनुभयो ।
उहाँका अनुसार इलाका प्रहरी कार्यालयबाट १० जनाको प्रहरी टोली परिचालन गरी बेपत्ता किशोरीको खोजी भइरहेको छ ।
