कोपा अमेरिका फुटबल : इक्वेडरलाई पेनाल्टी सुटआउटमा हराउँदै अर्जेन्टिना सेमिफाइनलमा
असार २१ काठमाण्डौ । कोपा अमेरिका फुटबलको पहिलो क्वार्टरफाइनल खेलमा अर्जेन्टिनाले इक्वेडरलाई पेनाल्टी सुटआउटमा ४–२ गोलले हराउँदै सेमिफाइनलमा पुगेको छ । टेक्सासको एनआरडी स्टेडियममा निर्धारित समयमा १–१ गोलको बराबरी भएको थियो ।
अर्जेन्टिनाका सिसान्द्रो मार्टिनेज पहिलो हाफमा टिमलाई अग्रता दिलाएका थिए । तर इन्जुरी समयमा इक्वेडरका केभिन रोड्रिग्युजले एक गोल फर्काएपछि खेल पेनाल्टी सुटआउटमा पुग्यो ।
अर्जेन्टिना समूह ‘ए’ को विजेता बन्दै र इक्वेडर समूह ‘बी’ को उपविजेता बन्दै अन्तिम–८ मा पुगेका हुन् ।यस्तै भोलि बिहान पौने ७ बजे भेनेजुएला र क्यानडा खेल्दैछन् । यस्तै पर्सि आइतवार बिहान पौने ४ बजे कोलम्बिया र पनामा तथा त्यही दिन बिहान पौने ७ बजे उरुग्वे र ब्राजिल खेल्दैछन् । एजेन्सी
