ढल्कुमा दुई समूहबीच झडप हुँदा एक जनाको मृत्यु, ६जना घाइते
साउन, १७ काठमाण्डौ । काठमाण्डौ महानगरपालिका–१७ ढल्कुमा हिजो दुई समूहबीच भएको झडपमा परी एक जनाको ज्यान गएको छ । अरु ६ जना घाइते भएका छन् । झडपका क्रममा धारिलो हतियार लागेर ढल्कु पोडेटोलका ३३ वर्षीय अनित पुजारीको मृत्यु भएको छ ।
झडपमा परी ५२ वर्षीय सुविन्द्र पोडे, ५४ वर्षीय किरण पुजारी, ४९ वर्षीय दिनेश पुजारी, ४२ वर्षीया माया पुजारी, ३९ वर्षीय विक्रम पुजारी र २३ वर्षका अमृत पुजारी घाइते भएका प्रहरीले बताएको छ । घाइतेको शिक्षण अस्पताल महाराजगञ्ज, राष्ट्रिय ट्रमा सेन्टर र पिपुल्स अस्पतालमा उपचार भइरहेको छ ।
