बस दुर्घटना हुँदा १६ जना घाइते
साउन, ३२ काठमाडौं । डोटीमा बस दुर्घटना हुँदा १६ जना घाइते भएका छन् । हिजो धनगढीबाट छुटेको शैलेश्वरी यातायातको ना ५ ख ४४५१ नम्बरको यात्रुबाहक बस आज बिहान करीब ४ बजे दिपायल सिलगढी नगरपालिका–४ स्थित रेडियो नेपालको प्रशारण केन्द्र नजिकै दुर्घटना भएको हो ।
दुर्घटनामा १६ जना घाइते भएको प्रदेश ट्राफिक प्रहरी कार्यालय अत्तरियाले बताएको छ । उनीहरूमध्ये एकको अवस्था गम्भीर छ । सबै घाइतेलाई उद्धार गरी उपचारका लागि सुजङ अस्पतालमा पठाइएको प्रहरीले बताएको छ ।
