सर्केगाड गाउँपालिमा माओवादी देवकी तिमल्सिना विजयी
मंसिर, १८ काठमाडौं । हुम्लाको सर्केगाड गाउँपालिको उपाध्यक्षमा नेकपा माओवादी केन्द्रका देवकी तिमल्सिना विजयी भएकी छन्। आइतबार भएको उपनिर्वाचनको अन्तिम मतपरिणामअनुसार तिमल्सिना १ हजार ६३६ मत ल्याएर विजयी भएकी छन्।
हिजो सकिएको मत परिणामअनुसार निकटतम प्रतिद्वन्द्वी नेपाली कांग्रेसकी सविता बुढाले १ हजार ५९४ मत पाएकी छन्।
एमालेबाट उम्मेदवार जाना शाहीले १ हजार १३२ मत पाएकी छन्। यस्तै राप्रपाका उम्मेदवार संगीता शाहीले ५१, राष्ट्रिय स्वतन्त्र पार्टीका उम्मेदवार बाँचा बुढाले २५, स्वतन्त्र उम्मेदवार नरेश शाहीले ९ मत ल्याएका छन्।
