आज माओवादी केन्द्रको स्थायी समिति बैठक बस्दै
मंसिर,२८ काठमाडौं । केन्द्रीय समितिको आगामी बैठकका एजेण्डाबारे छलफल गर्न नेकपा माओवादी केन्द्रको स्थायी कमिटी बैठक आज बस्दै छ । बैठक आज बिहान ११ बजे पार्टी कार्यालयमा बस्ने छ ।
बैठकमा माओवादी घटकसँगको एकता प्रक्रिया, पूर्व उपराष्ट्रपति नन्दबहादुर पुन (पासाङ)लाई पार्टीमा दिने जिम्मेवारी, विद्यार्थी संगठन अखिल क्रान्तिकारीको नयाँ नेतृत्व चयन लगायतका विषयमा छलफल हुने एजेण्डा छ ।
माओवादी केन्द्रको केन्द्रीय समिति बैठक आगामी पुस २ गतेदेखि सुरु गर्ने तयारी छ । सोही बैठकका एजेण्डा तय गर्न माओवादीको स्थायी कमिटी बैठक बस्न लागेको प्रवक्ता अग्नि सापकोटाले बताए ।
