आज सुनको भाउ २ हजार रुपैयाँले बढ्यो
पुष, १९ काठमाण्डौ । आज सुनको भाउ एकैदिन तोलामा दुई हजार रुपैयाँले बढेको छ । सुन आज तोलामा दुई हजार रुपैयाँले बढेर एक लाख ५३ हजार पाँच सय रुपैयाँमा कारोबार भइरहेको नेपाल सुनचाँदी व्यवसायी महासङ्घले बताएको छ । विहीवार सुनको भाउ तोलाको एक लाख ५१ हजार पाँच सय रुपैयाँ रहेको थियो ।
त्यस्तै आज चाँदीको भाउ पनि तोलामा २० रुपैयाँले बढेको छ । आज चाँदीको भाउ एक हजार आठ सय १० रुपैयाँमा कारोबार भइरहेको महासङ्घले बताएको छ । विहीवार चाँदीको भाउ एक हजार सात सय ९० रुपैयाँ रहेको थियो ।
