पेस्तोल र गोलीसहित एक भारतीय नागरिक पक्राउ
माघ, ७ काठमाडौं । रौतहटको इशनाथ नगरपालिकास्थित नेपाल भारत सीमा क्षेत्रको लतमरीबाट सशस्त्र प्रहरीले गएराति अटोमेटिक पेस्तोल र गोलीसहित एक भारतीयलाई पक्राउ गरेको छ।
पक्राउ परेका व्यक्ति हतियार तस्कर हुन् वा होइनन् भन्ने अनुसन्धान भइरहेको सशस्त्र प्रहरीले बताएको छ । लतमरीमा रहेका सुनिल साह एक होटलमा खाजा खाइरहेका बेला उनीहरूको गतिविधि शंकास्पद देखिएको जानकारी पाउनासाथ सशस्त्र प्रहरी बल (एफओबी) मठियाबाट खटिएको टोली राति साढे ८ बजे त्यहाँ पुगेको थियो। प्रहरी पुगेपछि दुईजना भागेका थिए।
