शितलहरका कारण मधेसको जनजीवन प्रभावित
माघ, ११ काठमाडौं । ३ दिनदेखि बढेको अत्याधिक चिसो र शितलहरका कारण जनकपुरधामसहित मधेसको जनजीवन प्रभावित बनेको छ। गत सोमवारदेखि दिउँसोबाट घाम उदाएको भए पनि मंगलवार देखि एकाएक चलेको चिसो हावा र गएराति शितको वर्षा भएपछि मधेसमा अत्याधिक चिसो महशुस गरिएको हो।
विगत तीन दिनदेखि घाम उदाएको छैन। साथै शितलहर र सितको वर्षा पनि भइरहेको छ। अत्याधिक चिसो र घाम अभावका कारण ग्रामीण जनजीवन ठप्प छ। दैनिक ज्याला,मजदुरी गर्नेहरु मारमा परेका छन्। मधेसको जनजीवन १० बजे बिहानसम्म ठप्प हुने गरेको छ। चिसोबाट गरिव विपन्नहरुलाई धेरै समस्या भएको छ।स्थानीयहरु आगो तापेर तथा ग्रामिण भेगमा पराल बालेर चिसो छल्ने गरेका छन्।
