७२ जिल्लाको मतपत्र छपाइ सकियो
काठमाडौं १५ वैशाख । निर्वाचन आयोगले स्थानीय तह निर्वाचनका लागि आजसम्म ७२ जिल्लाको मतपत्र छपाइ सकिएको जानकारी दिएको छ । आज आयोजित पत्रकार सम्मेलनका आयोगका सहायक प्रवक्ता सूर्य प्रसाद अर्यालले सो जानकारी दिएका छन ।
‘आजसम्म ७२ जिल्लाका लागि १ करोड ७७ लाख ७५ हजार मतपत्र छपाइ सकिएको छ’, उनले भने । हालसम्म ३३ जिल्लाका लागि ५१ लाख ३३ हजार मतपत्र ढुवानी गरिएको पनि जानकारी दिए ।
