लामिछानेले भेटे सभामुख घिमिरेलाई
माघ, १८ काठमाडौं । राष्ट्रिय स्वतन्त्र पार्टीका सभापति रवि लामिछानेले सभामुख देवराज घिमिरेलाई भेटेका छन्। आज मध्याह्न सिंहदरबार पुगेर लामिछानेले सभामुख घिमिरेलाई भेटेका छन् । भेटमा रास्वपाका सांसदहरू पनि सहभागी थिए।
भेटमा आफ्नो सांसद पद निलम्बनबारे रवि लामिछानेले सभामुखको ध्यानाकर्षण गराएका थिए। कास्की जिल्ला अदालतमा सहकारी ठगी, संगठित अपराध र सम्पत्ति शुद्धीकरणको मुद्दा दर्ता भएपछि लामिछानेको सांसद पद पुस ७ गतेदेखि स्वतस् निलम्बनमा परेको थियो।
त्यसको सूचना संसद सचिवालयले माघ ८ गते प्रकाशित गरेको थियो। रास्वपाले संसदको नियमावलीअनुसार आफ्नो सभापतिलाई सांसदबाट निलम्बन गर्न नमिल्ने दाबी गर्दै आइरहेको छ। सोही विषयमा रास्वपाले यसअघि पनि सभामुख घिमिरेलाई भेटेर ध्यानाकर्षण गराएका थिए।
